Skilmálar

Hægt er að bóka ferð með Slóðum ehf með tölvupósti á info@slod.is
Svo að bókun teljist gild er nauðsynlegt að greiða staðfestingargjald.
Fullnaðargreiðsla þarf að hafa borist 8 vikum fyrir brottför, nema annars sé getið.

Ferð er staðfest um leið og lágmarksfjöldi farþega hefur staðfest bókun sína.
Ef lágmarksfjölda er ekki náð átta vikum fyrir brottför er ferð aflýst. Ef hætta verður við ferð af hálfu Slóða, skal farþega endurgreidd ferðin að fullu.   

Slóðir áskilja sér rétt til að halda hluta af verði ferðar við eftirfarandi aðstæður:
Staðfestingargjaldi ef farþegi hættir við ferð.
50 % af verði ferðar ef farþegi hættir við ferð 60 – 30 dögum fyrir brottför, nema að annað sé tekið fram við bókun ferðar.
100 % af verði ferðar, ef farþegi hættir við ferð með minna en 30 daga fyrirvara.
Mælt er með að farþegar hafi slysa og forfallatryggingu fyrir ferðir Slóða.

Í samráði við Slóðir getur farþegi getur framselt bókun sína til aðila sem fullnægir þátttökuskilyrðum.
Framseljandi ferðar og framsalshafi eru þá sameiginlega og hvor í sínu lagi ábyrgir gagnvart Slóðum varðar greiðslu á eftirstöðvum og aukakostnaði er kann að leiða af slíku framsali.
Í ferðum eins og “Á Inkaslóðum” og öðrum ferðum þar sem leyfi eru gefin út á nafni geta verið takmarkanir á framsali ferðar.

Afturköllun eða breytingar:
Slóðir áskilja sér rétt til þess að breyta dagskrá ferðar eða aflýsa ferð með öllu vegna veðurs eða annarra ófyrirsjáanlegra aðstæðna, s.s. stríðsástands, smitsjúkdóma hættu eða verkfalla,
til þess að tryggja öryggi farþega.
Slóðir bera enga ábyrgð á þeim kostnaði sem til kann að falla vegna ófyrirsjáanlegra breytinga á flugi.

Skyldur þátttakenda:
Farþegar skulu hlíta fyrirmælum fararstjóra eða starfsfólks þeirra aðila sem Slóðir skipta við.
Farþegi skal hlíta lögum og reglum opinberra aðila í þeim löndum sem hann ferðast um.
Brjóti farþegi af sér í þessum efnum er ferðaskrifstofu/fararstjóra heimilt að hindra hann í að hefja ferð sína eða halda ferðinni áfram og verður hann þá að ljúka henni á sinn kostnað,
án endurkröfuréttar á hendur ferðaskrifstofu.
Farþegar bera sjálfir ábyrgð að meta hvort að þeir eru hæfir til þess að fara í ferðir Slóða.  Gert er ráð fyrir að þátttakendur í hópferðum séu heilir heilsu þannig að ekki sé hætta á að þeir valdi öðrum óþægindum eða tefji ferðina vegna líkamsástands eða sjúkdóms. Ef farþegi veikist í hópferð ber hann sjálfur ábyrgð á þeim kostnaði sem af því kann að hljótast sem og kostnaði við heimferðina.
Fararstjóri getur meinað þátttakenda áframhaldandi þátttöku í ferð telji hann að öryggi farþega sé ógnað eða að farþegi sé ófær um að takast á við erfiðleika ferðarinnar. 
Farþegi á ekki rétt til endurgreiðslu þó hann ljúki ekki ferð af þessum ástæðum eða öðrum, sem ferðaskrifstofunni verður ekki um kennt.

Vegabréf og vegabréfsáritanir:
Slóðir hvetur farþega til að gæta vel að gildistíma vegabréfs fyrir brottför.
Huga þarf að því hvort vegabréf sé gilt nægilega lengi, en ákveðin lönd gera kröfu um að vegabréf farþega sé í gildi í allt að 6 mánuði frá þeim degi er farþegi yfirgefur viðkomandi land.
Farþegar bera sjálfir ábyrgð á að sækja um vegabréfsáritanir til þeirra landa sem farið er til eða millilent er í.  

Tryggingar:
Slóðir hvetja viðskiptavini til að huga vel að tryggingarmálum sínum áður en lagt er upp í ferð.  Engar tryggingar eru innifaldar í verði á ferðum á vegum Slóða.  
Viðskiptavinum er bent á að kaupa á sinn kostnað, ferða-, slysa/sjúkra- og forfallatryggingu hjá tryggingafélögum. Þátttakendur þurfa að gæta þarf að því að skilmálar trygginga hæfi þeirri ferð sem verð er að fara í. Tryggingin sé ekki með takmarkanir til dæmis á hæð yfir sjávarmáli eða öðru sem atriðum sem eiga við í ferðinni. Gæta þarf að því að tryggingin gildi fyrir þyrlubjörgun eða öðrum viðeigandi viðbrögðum neyðaraðila, veikist eða slasist þátttakendi í ferð.  
Almennar ferðatryggingar oft innifaldar í árgjaldi dýrari kreditkorta og gildir sú ferðatrygging fyrir ferðir erlendis hvort sem ferðin er greidd með kortinu eða ekki. Almennar ferðatryggingar eru oftast með takmarkanir í sínum skilmálum þannig að þær gilda ekki “utan alfaraleiðar” eða ef farið er yfir ákveðna hæð yfir sjávarmáli.  
Komi til slysa eða alvarlegra veikinda farþega áskilja fararstjórar í ferðum Slóða sér rétt á að kalla til björgunaraðila á kostnað þátttakenda, þar með talinn þyrluflutning, læknisþjónustu, sjúkrahúsvist eða aðra þjónustu í þágu öryggis og heilbrigðis farþega.  
Þátttakendur bera sjálfir ábyrgð á að útvega sér viðeigandi ferða- og forfallatryggingu og kynna sér þá skilmála sem gilda um þær tryggingar. 
Þátttakendur bera sjálfir ábyrgð á samskiptum við tryggingafélag, tilkynna slys, sækja tryggingabætur eða önnur samskipti.